Charitable Services

Charitable Services

نشكر الله الصالح وعظم عمله فينا ليله عيد العيد المجيد. فمن اول اليوم الي قبل القداس مباشرة قامت خدمه البابا شنوده بتوزيع بركه الوجبات الجاهزة فطار العيد وكحك و بسكويت بيتي فور العيد لاخوة يسوع الي مالهومش حد يعمل لهم اكل بتوزيع فوق ال 800 وجبه في 8 مناطق. نشكر الله خدمه موجهه لله مباشرة فيها الله استخدم أياديكم ليطعم بيها اخواته واولادة. الله استخدم تعبكم و مجهودكم ليرسم بسمه في قلوب اولادة.  كل مجهود كل صلاة مرفوعه كل فلسين اتقدموا كان موجهين لشخص يسوع نفسه، كل تعب محبه قدمتموها كانت وردة جميله ابهجتم بيها قلب يسوع صدقوني ما في شئ محبب لقلب الله قدر عمل الرحمه. كان يوم مفرح في السما و علي الارض. ربنا يبارك عطاياكم و محبتكم ببركه ابينا البابا شنوده الثالث شفيع خدمتنا♥️ويديم علينا أبوة و تشجيع و دعم ابينا المحبوب راعي وقائد الخدمه حبيب المساكين ابينا نيافه انبا انتوني♥️. دمتم للمسيح تمجدوا اسمه القدوس في كل عمل له المجد في كنيسته للابد 🌹🌹

[ngg src="galleries" ids="101" display="basic_thumbnail" thumbnail_crop="0"]

نشكر ربنا يسوع رب المجد قامت خدمة البابا شنودة ببركة وشفاعة صاحبها و شفيعها البابا شنودة الثالث و صلوات وتوجيهات مدبرها ابونا الانبا انتوني بتوزيع مواد تموينية و لحوم وفراخ بمناسبة عيد الميلاد المجيد ، فقامت بتوزيع عدد اثنتان من الفراخ و كيلو لحم بلدي الي جانب مواد تموينية منها ارز و مكرونة و سكر و سمن و لبن و جبن و بيض و ذلك لعدد ١٥٠ من الاسر اخوتنا اخوة الرب التي تقوم الخدمة برعايتهم و متابعتهم بمنطقة الزاوية الحمراء . و ذلك للاحتفال معنا بعيد الميلاد المجيد بعد فترة الصوم المقدسة .
وعلى مدار 4 ايام متتاليه قامت الخدمة ولازالت مستمرة في توزيع بركه العيد من ملابس جديدة و شنطه بركة اكل العيد من لحمه و فراخ وسمن وسكر وارز و لبن وجبنه وشاي وصلصه في عده اماكن لبيوت كثيرة
نظرا للظروف الاقتصادية الايام دي نسبه الاسر المستتره المحتاجه بتزيد جدا. يكفي فرحه الاولاد والبنات بلبس العيد وصارت ابسط السلع البيوت في عوز لها. لكن الله لا يترك اولاده ابدا و رغم أن السلع شحيحه في الأسواق
لكن الهنا غني جدا. وجاري الان ايضاً تجهيز فطار العيد ليتم توزيعه غدا في 8 اماكن سيتم تجهيز فوق ال 800 وجبه بنعمه ربنا وجبات مطهيه و كحك و بسكويت العيد لاخوة يسوع الذين ليس لهم احد يذكرهم الغير قادرين علي تجهيز الطعام. الهنا الصالح يكمل كل عمل لمًا فيه مجد اسمه القدوس . ويعطينا بركة خدمة اخوته المباركين ، هذه الخدمة التي تفرح القلب و تسند النفس و تنعش الروح .نشكر الله كثير وصلوات ابينا البابا شنوده من السماء سندنا ودعم و تشجيع و مساندة و متابعه ابينا المحبوب وراعي الخدمه نيافه انبا انتوني المشجع و المحفز جدا لينا أن لا نقف عن فعل الخير و الرحمه لكل إنسان يضعه الله في طريقنا. صلواتكم اهم داعم للخدمه دامت محبتكم وخدمتكم، بصلوات ابونا الانبا انتوني و شفاعة و صلوات البابا شنودة .

[ngg src="galleries" ids="100" display="basic_thumbnail" thumbnail_crop="0"]

الجمعة ٢٣ ديسمبر ٢.٢٢
خدمه البابا شنودة في قلب قري منفلوط .. كرنفال الاطفال و خدمه القري

[ngg src="galleries" ids="92" display="basic_thumbnail" thumbnail_crop="0"]

قامت خدمة البابا شنودة يوم الثلاثاء ٦ ديسمبر ٢.٢٢ وببركة وصلوات و تدبير ابونا نيافة الانبا انتوني بتوزيع بعض الاطعمة الصيامي و التي تناسب صوم الميلاد المجيد و ذلك تشجيعا لاخوتنا اخوة الرب علي الصوم و مساعدتهم علي تحمل ضغوط الحياة و غلاء المعيشة ، فقامت بتوزيع اسماك فيليه و ارز و زيت لكل اسرة في منطقة الزاوية الحمراء لما يزيد عن ١٥٠ اسرة من الاسر التي تقوم الخدمة علي مساعدتهم و متابعتهم . و مراجعة احتياجاتهم و طلباتهم في الفترة الحالية . كما قامت الخدمة بشفاعه البابا /شنوده الثالث شفيع الخدمه وببركه وتعضيد وصلوات نيافه الانبا /انتوني , بتوزيع البركه الشهريه لشهر ديسمبر وهي شهريه مناسبه جدا للأسر تحت خط الفقر والأرامل والأسر المستتره في مناطق الخصوص وأبو زعبل والخانكه والمنصوره والمرج وعزبه النخل والزيتون وشبرا الخيمه وشبرا مصر وطموه وأبو رجوان بعد البدرشين وأبو تيج وأبو قرقاص ونزله الرومان ومطاي والعمرانية واللبيني بالهرم وبني يوسف وامبابه ومغاغه وحاليا تم انضمام أسر جديده الي المخدوميين في مناطق المطريه والاباصيري وعين شمس وتقوم الخدمه بإيجاد وظائف الي محتاجين وظائف ونحن نشكر الانبا انتوني علي مساعدته وإرشاده  و نشكر جميع الخدام والمتبرعيين
صلوا من أجلها وصلوا من أجل الخدمه الرب يكمل و يبارك كل عمل لما فيه مجد اسمه القدوس . وببركه وتعضيد وصلوات نيافه الانبا /انتوني

 

الجمعة ٤ نوڤمبر ٢.٢٢
تحت رعايه سيدنا نيافه انبا انتوني ...خدمه البابا شنودة دلوقتي بتعمل كرنفال لاطفال ٣ قري في ايبارشيه ملوي و الاشمونين .. في كنيسه انبا برسوم العريان قريه ابو تسعه...و بعدها هيتم افتقاد اسر إخوة الرب في ال ٣ قري و توصيل البركة لهم بنعمه ربنا . صلوا لاجل الخدمه .... اجمل خدمه لما تكون سبب فرحه انسان وتسد احتياج معوز. و خصوصا في الأيام دى.

[ngg src="galleries" ids="91" display="basic_thumbnail" thumbnail_crop="0"]

الخميس ٣ نوڤمبر ٢.٢٢
خلال هذا الاسبوع بصلوات حضراتكم و تعضيدكم و بشفاعة البابا شنودة شفيع هذه الخدمة و بتدبير و حكمة و رعاية ابونا نيافة الانبا انتوني ، قامت خدمة البابا شنودة بتوزيع شنط تحتوي علي مواد تموينية و جبنة وارز و فراخ .. و متابعة سداد المصروفات المدرسية و شراء المستلزمات الدراسية من كتب او كراريس و خلافه لاولادنا من اخوة الرب . او ملابس مطلوبة منهم . و قامت الخدمة بتقديم المساعدة الشهرية المقررة من ابونا الانبا انتوني لهم . وكالعادة مع متابعة مراعاة الحالات الطارئة ايا كانت .وايضا قامت الخدمة بتوزيع ١٦٠ وجبة جاهزة للأسر الأكثر احتياج بمنطقة الزاوية الحمراء .الرب يكمل كل عمل ويبارك هذه الخدمة لمجد اسمه القدوس بشفاعة صاحبها البابا شنودة الثالث وصلوات ابونا نيافة الانبا انطوني .

[ngg src="galleries" ids="90" display="basic_thumbnail" thumbnail_crop="0"]

يوم الثلاثاء ١٩ اكتوبر ٢.٢٢
بشفاعه مثلث الرحمات البابا المعظم
الانبا شنوده الثالث شفيع هذه الخدمه ومحبه وصلوات وتعضيد وتوجيهات نيافه الحبر الجليل 
الانبا أنتوني، قام بعض الخدام بدفع مصاريف الجامعه ومنها جامعات خاصه بمصاريف عاليه لطلبه اخوه الرب وقاموا أيضا بدفع مصاريف مدارس ومجموعات تقويه بجانب شهريات مناسبه جدا الي الأسر المستتره والأرامل وتحت خط الفقر في مناطق الخصوص وأبو زعبل والخانكه والمرج وعزبه النخل والأسر المهجره من العريش وعين شمس والزيتون وجسر السويس وشبرا الخيمه وشبرا مصر والعمرانية واللبيني بالهرم وطموه وأبو رجوان بعد البدرشين ب ٣٠كيلو والمنصوره وأبو كبير بالشرقيه وأبو تيج وأبو قرقاص ومغاغه ومطاي
وايضا اضافه أسر ومنهم من ارتيريين ليضافوا الي المخدومين
ونحن نشكر نيافه الانبا انتوني علي محبته ومساعدته لنا وتشجيعه المستمر لنا ونشكر جميع الخدام والمتبرعين. 
صلوا من اجلنا وصلوا من أجل الخدمه (المعطي المسرور يحبه الرب)

يوم الاثنين ١٧ اكتوبر ٢.٢٢
في هذه الايام المباركة و هو موسم دخول المدارس و الجامعات ، قامت خدمة البابا شنودة بصلوات حضراتكم و تعضيدكم و بشفاعة البابا شنودة شفيع هذه الخدمة و بتدبير و حكمة و رعاية ابونا نيافة الانبا انتوني ، قامت الخدمة بتوزيع شنط المدارس و معها ايضا ادوات مدرسية لابنائنا التلاميذ و التلميذات في مراحل التعليم الابتدائي و الاعدادي و الثانوي .
و تابع هذا سداد المصروفات المدرسية لهم و شراء الكتب المدرسية ، و ايضا متابعة دروس التقوية لمن يحتاجها مع شراء الكتب الخارجية المساعدة .و ما يلزم لضمان استمراريتهم في الدراسة و الاستفادة من ذلك . و كذا لطلبة و طالبات الجامعات .
و كالعادة قامت الخدمة بتقديم المساعدة الشهرية المقررة من ابونا الانبا انتوني لهم .
مع توزيع شنط بها مواد تموينية و منتجات البان من جبن و سمن الي جانب لحوم و فراخ ، و ذلك لمواجهة حالة الغلاء و تعاظم الاسعار .
مع مراعاة الحالات الطارئة ايا كانت .
و قامت الخدمة ايضا بعمل يوم ترفيهي للاطفال و كان يوما سعيدا مملوء بالبهجة و الفرح .
هذه محاولة لمساعدة هذه الاسر المباركة علي مواجهة متطلبات الحياة .
"فَيُجِيبُ الْمَلِكُ وَيَقوُل لَهُمْ: الْحَقَّ أَقُولُ لَكُمْ: بِمَا أَنَّكُمْ فَعَلْتُمُوهُ بِأَحَدِ إِخْوَتِي هؤُلاَءِ الأَصَاغِرِ، فَبِي فَعَلْتُمْ."🌹♥️

[ngg src="galleries" ids="89" display="basic_thumbnail" thumbnail_crop="0"] 

قام نيافة الحبر الجليل الأنبا أنتوني أسقف الإيبارشية  ومؤسس خدمة البابا شنودة الخيرية و برفقته فريق عمل من الخدام بزيارة تفقدية الي مستشفي سرطان الأطفال ٥٧٣٥٧ بالقاهرة وكان ذلك في يوم الأربعاء ٢٠٢٠/١/١٩. 

زار نيافة الأنبا أنتوني يوم الأربعاء، مستشفى سرطان الأطفال 57357. وكان في استقبال نيافة الدكتور شريف أبو النجا مدير المستشفي.
وشملت الزيارة  الكنيسة الخاصة بالمستشفي، كما قام بزيارة الأطفال في غرفهم ووزع عليهم الهدايا لرسم البسمة والفرحة على وجوههم. وفي نهاية الزيارة تم الحديث عن اتفاق تعاون مشترك بين الإيبارشية والمستشفي، كما قدم تبرعا لصالح الإنشاءات الجديدة ولصالح علاج الأطفال المرضى.

  
تم تسمية خدمة اخوة الرب بالايبارشية باسم ( خدمة البابا شنودة الثالث ) والخدمة مركزة في مصر علي المناطق العشوائية بالقاهرة واسكندرية والجيزة ، وايضاً في المنيا وابوقرقاص وأسيوط ، وشبين القناطر تشمل الخدمة مبالغ شهريا ثابتة للأسر الفقيرة والمستورة وايضاً المساعدة في العلاج بالمستشفيات مع دفع مصاريف الدراسة بالجامعات للطلبة واشياء اخري كتيرة  وقد قامت خدمة البابا شنودة بتوصيل ماكينة التطريز والخياطه لنيافة الانبا مكاريوس اسقف المنيا وهي لمساعدة الأسر المحتاجة هناك ، ربنا يسند ويساعد

 

خدمة البابا شنودة الثالث جهزوا وجبات جاهزة سخنه واتوزعت في مناطق شبرا..... العسال.... الزاويه الحمراء... عزبه الورد... الشرابيه.......ليله عيد الميلاد و عيد الغطاس... اتجهز اجمالي في اليومين 590 وجبه
اتوزعوا في البيوت. للذين ليس لهم احد يذكرهم..اخوة يسوع... كبار السن الغير قادرين يجهزوا الطعام..... و العمل الحميل دة نشكر الله مستمر طول السنه كل اسبوعين او تلاته بالكتير..... غير المناسبات.....
ربنا يعوض كل انسان ربنا بيحط في قلبه احشاء رحمة و محنه من اجل خدمة اولادة.... صلواتكم من اجل الخدمة

 

قام ابونا نيافة الحبر الجليل الانبا انتوني يوم الاثنين ٤ مارس بعمل اجتماع لخدام خدمه البابا شنودة و معهم ابونا رويس الانبا بيشوي و ابونا بيشوى توفيق . ألقي فيه ابونا بيشوي توفيق كلمه عن حياه التوبة بالنسبه للخادم و أهميتها و القي ابونا نيافة الحبر الجليل الانبا أنتوني كلمة عن العلاقة الشخصية مع الله .
" وسط الخدمه ممكن الخادم يضيع لو نسي نفسه كمثال عالي الكاهن واولاده واهميه العلاقه الشخصيه بيننا وبين ربنا واللقاء اليومي اللي بين الخادم وبين الله "
اكما اعطي الخدام تدريب في الصوم الكبير ان يطلبوا و يصلوا لاجل اقتناء فضيلة الحكمة . كما قام ايضا بمراجعة شئون و متطلبات الخدمة في المرحلة الماضية . و نبه لاهمية السير في التعامل مع الحالات و لا يتم تأجيل اي حالة تحت اي ظروف . كما ناقش مع الخدام بالنسبة للفتره المقبلة كيفية تدبير مشاريع خدميه تدر ارباح تساعد الخدمة . و تم اقتراح ان يكون هناك قاعدة بيانات خاصه بالخدام اولا ومنها ان شاء الله يكون قاعده بيانات كامله للنفوس اللي بتخدمها خدمه البابا شنوده.الرب يكمل كل عمل لما فيه مجد اسمه القدوس ، بصلوات ابونا الانبا أنتوني و شفيع هذه الخدمة البابا شنودة الثالث .

قامت خدمة البابا شنودة ببركة و شفاعة صاحبها و شفيعها البابا شنودة الثالث و صلوات و توجيهات مدبرها ابونا نيافة الحبر الجليل الانبا انتوني بتوزيع لحمة بلدى وفراخ وارز وزيت وجبنة وعسل وحلاوة ونسكافيه وطحينة وكورن فليكس و بسكويت وصلصة بمناسبة الاستعداد لرفاع الصوم الكبير ، وقامت بتوزيع الاعانات الشهرية المقررة ، و ذلك ل عدد ١٥٠ من الاسر اخوتنا اخوة الرب التي تقوم الخدمة برعايتهم و متابعتهم في منطقة الزاوية الحمراء بالقاهرة . بركة هذه الايام المقدسة و بركة الصوم الكبير تشملنا جميعا بصلوات ابونا الانبا انتوني و شفاعة و صلوات البابا شنودة.

نشكر الله ببركه ربنا يسوع قامت خدمه البابا شنودة الثالث بتوجيه و تشجيع و رعايه و متابعه و قيادة أبينا نيافه الانبا انتوني ,طيله الاسبوع الماضي ب توزيع يومي لشنط البركه لاخوة ربنا يسوع من لحمه وفراخ ومواد تموينيه. للاكثر من 250 شنطه و ايضا تجهيز و توزيع للوجبات المطهيه لاخوة يسوع الذين ليس لهم أحد يذكرهم وتم بنعمه ربنا تجهيز 790 وجبه تم توزيعها في 7 مناطق الناس فرحت خالص خالص عبارات كثير سمعتها اللي قال اشكر ربنا كنت مش عارف هعمل ايه في رفاع الصوم و ااكل العيال ايه . واللي قال معيش اجيب فرخه حتى ، كلام كتير جوه الناس من الاحتياج ابسط حاجه دلوقتي بقت بتفرق كيس الرز بيفرق , الناس ما بقاش عندها تطلعات لحاجات كبيره ,دة ااقل حاجه فارقه معاهم. كل دة ببركه أبينا البابا شنوده الثالث قديس العطاء و بصلوات و رعايه و ارشاد و تشجيع أبينا المحبوب نيافه انبا انتوني . ربنا يبارك محبتكم و تعبكم و عطائكم , صلواتكم لأجل الخدمه ✝️  ✝️

 

-----------------------------------------------------

قامت خدمة البابا شنودة ببركة و شفاعة صاحبها و شفيعها البابا شنودة الثالث و صلوات و توجيهات مدبرها ابونا نيافة الحبر الجليل الانبا انتوني بتوزيع ٥٠٠ كيلو ارز و ٥٠٠ كيلو عدس اصفر و ٥٠٠ كيلو فول تدميس بمناسبة الصوم الكبير ، و ذلك ل اخوتنا اخوة الرب التي تقوم الخدمة برعايتهم و متابعتهم . بركة هذه الايام المقدسة و بركة الصوم الكبير تشملنا جميعا بصلوات ابونا الانبا انتوني و شفاعة و صلوات البابا شنودة .

بشفاعه البابا /شنوده الثالث شفيع الخدمه، قام نيافه الانبا/انتوني بزياده البركه الشهريه من ٧٠٠جنيه الي ١٠٠٠جنيه في مناطق عديده منها ابو زعبل والخصوص والخانكه والمرج وعزبه النخل وامبابه وشبرا الخيمه وشبرا مصر واللبيني بالهرم والعمرانيه والبدرشين وطموه وابو رجوان وابو قرقاص وابو تيج والقري المحيطه بدير المحرق ومغاغه والعدوه  وقام ايضاً نيافته بزياده البركه من ٥٠٠جنيه الي ٧٥٠حنيه شهريا في مناطق اخري عديده منها الواحات ومنفلوط وعين شمس والمطريه ونزله الرومان ربنا يبارك في الخدمه بصلوات ومساعده نيافه الانبا /انتوني  ربنا يعوض الخدام والمتبرعين الاجر السمائي وايضاً نشكر ربنا وعمله الدايم . عمليات المياه البيضاء رجعت تاني... وبنعمه ربنا الاسبوع ده هتتعمل ١٢ عمليه مجانيه لاخوة الرب من ايبارشيات مختلفه ربنا يكمل و يدينا نفرح اكبر عدد من اولاده الفترة دى ببركه الصوم المقدس و طلبات أبينا البابا شنودة شفيع الخدمه و صلاة الساهر عنا أبينا الحبر الجليل نيافه الانبا انتوني وايضا الخدمه بتجهز الفترة دى لعمل يوم كرنفال للاطفال الاسبوع المقبل في ايبارشيه دير مواس لاطفال ٩ قري هناك ..و ايضا توصيل شنط البركة لأخوة الرب في تلك القري .
صلواتكم لأجل الخدم.

نشكر ربنا كتير كتير كتير النهارده بس اتعملت ١٢ عمليه ميه بيضاء لاحباء محتاجين بدون اي تكلفه من كذا محافظه جم. عمل ربنا ما لوش اخر وحنيته على ولاده ما تتوصفش صدقوني مش قادر اوصف لكم فرحه الناس. حقيقي شكرا يا رب والمجد ليك يا رب. صلواتك يا سيدنا و دعمك سر البركه و شفاعه ابونا البابا شنوده الثالث.

سيدنا نيافة الانبا أنتوني في قداس الذكري الثانية عشر لنياحة مثلث الرحمات البابا الانبا شنودة الثالث.

بشفاعه البابا/شنوده الثالث شفيع هذه الخدمه وصلوات ومساعده من ابونا نيافه الانبا /انتوني قامت الخدمه بتوزيع بركه شهر ابريل وهي شهريه مناسبه جدا بجانب ذلك تم توزيع ايضا شنطه بركه لكل اسره تحتوي كل شنطه علي اكياس فول وعدس وارز لاسر تحت خط الفقر والأسر المستتره والارامل والسودانيين والارتيريين والاسر المهجره من العريش في مناطق ابو زعبل والخانكه والخصوص والمرج وعزبه النخل والمطريه وعين شمس والزيتون وشبرا الخيمه وشبرا مصر وامبابه والعمرانيه واللبيني بالهرم وطموه والبدرشين وابو رجوان ومغاغه والعدوه وابو قرقاص ونزله الرومان ومنفلوط وابو تيج والواحات وملوي والمنصوره وقري المحيطه بدير المحرق ونحن نشكر الانبا /أنتوني علي مساعدته وتشجيعه ونشكر جميع الخدام والمتبرعين ربنا يعوضكم الاجر السمائي.

بدايه كرنفال للاطفال في مطرانيه ديرمواس.

[ngg src="galleries" ids="111" display="basic_thumbnail" thumbnail_crop="0"]

 

 

نشكر الله و عمل نعمته الغنيه طول الفترة الي فاتت حتي يوم العيد كانت خدمه البابا شنودة الثالث يوميا تقوم بتوزيع البركة لاخوة الرب في بيوتهم في مناطق كثيرة متفرقه من لحوم و فراخ و سمن و زيت و سكر و ارز و صلصه و شاي و جبن و بيض و مكرونه في مناطق عديدة في القاهرة و الجيزة و العشوائيات ثم كانت البركة الكبرى بتوزيع الاكل المطهي ليله العيد و تجهيزة من يوم السبت باكرا و توزيعه حتي قداس العيد ليلا لأكثر من 900 وجبه مطهيه لاخوة يسوع الذين ليس لهم احد كان يوم كله بركه بطريقه غير عاديه والكل فرح بالمسيح رغم التعب والاجهاد لكن النعمه تغطي كل شيء ربنا يبارك الكل ويعوض الكل وصلاتكم من اجل الخدمه هي اهم خدمه ببركه وقوه قيامه ربنا يسوع و صلوات البابا شنوده الثالث وابوه وصلات ومحبه ورعايه ابونا المحبوب نيافه الانبا انتوني و اللي كان اثناء اليوم كل شويه يتصل يطمن علينا وعلى التوزيع والبركه والخدمه خدمه البابا شنوده خدمه تفرح قلب الله وتقدم محبته لكل الناس صلواتكم المهم.

 

[ngg src="galleries" ids="112" display="basic_thumbnail" thumbnail_crop="0"]

عاوز ااقولكم موقف بسيط من ضمن مواقف كتيرة حصلت اليوم دة نشكر الله خير ربنا كان بفيض كبيرو البركه و صلت و غطت كل الناس الي المفروض يروح لها بعد ما خلصنا توزيع لكل البيوت وكل المناطق لقينا في اربع وجبات جم زياده وفايضين وحقيقي كان كل الاسامي اللي عندنا راح لها تقريبا كان القداس خلاص على وشك انه يبدا صلينا قلنا له يا رب ارشدنا اكيد انت مرتب الامر كان في راجل غلبان ساكن في شبرا الخيمه هو ومراته راح له وجبتين ليهم وفجاه الراجل ده اتصل بخادم الخدام وقال له بنتي بالتلات عيال ولادها جوزها طردها ومشاها ليله العيد وجت عندي والوجبتين اللي عندنا مش هيكفونا احنا السته وانا معيش فلوس هجيب حاجه ومش عارف اعمل ايه فالخادم قال له بنتك عندها كم عيل قال له ثلاثه قال لي يعني هم الاربعه اللي ربنا عامل حسابهم وعارف ان هم هيجوا لك فجاه ففوض لهم اكلهم ورح لهم الاكل فورا ساتر ربنا على الكل وحاسس بالكل وعامل حساب الكل ما فيش صدفه نهائي كله مترتب ومحسوب من عنده اروع خدمه لما يكون قائدها الخفي هو ربنا يسوع اللي بيدير الامر تماما بحسب صلاحه ربنا حنين جدا حبيت اشارككم بموقف بسيط لكن كان معناه كبير جوانا كلنا صدقوني اكمل مواقف ما لهاش اخر كل يوم الواحد بيشوفها قدام عينيها بتقول ان ربنا حي ومعانا جدا جدا جدا

[ngg src="galleries" ids="113" display="basic_thumbnail" thumbnail_crop="0"]